Hausttíðindi Improv Ísland: Prufur, námskeið og Menningarnótt.
Ný námskeið komin í sölu
Fjöldi spennandi námskeiða er kominn í sölu á vef félagsins. Þar er að finna nýjungar eins og helgarnámskeið í Spuna 101, Tvö ný 401 námskeið: La Ronde og Undirbúning fyrir prufur. Auk þeirra eru grunn námskeiðin Spuni 101, 201 og 301 á dagskrá sem og Söngleikjaspuni 101. Öll ættu því að geta fundið námskeið við sitt hæfi. Fleiri námskeið munu bætast við þegar líður á veturinn.
____________________________________________
Haustprufur Improv Ísland 2024
Nýtt og spennandi fyrirkomulag verður á sýningum Improv Ísland í haust og af því tilefni eru tvær gerðir af prufum í boði:
Einstaklingsprufur (31. ágúst)
Einstaklingsprufur eru fyrir þau sem vilja komast inn í Haraldslið eða Húslið Improv Ísland.
Einstaklingsprufur verða með sama fyrirkomulagi og prufur síðastliðin ár.
Liðaprufur eru fyrir lið sem vilja verða eitt af Liðum Improv Ísland.
Liðaprufur eru í formi sýningar í Þjóðleikhúskjallaranum; Prufukvöld Improv Ísland, þar sem lið spinna frammi fyrir áhorfendum.
Skráning er hafin og henni lýkur á miðnætti fimmtudaginn 22. ágúst.
Allar nánari upplýsingar og skráningu í prufur má finna á www.improvisland.is/prufur.
____________________________________________
Improv Ísland á Stóra sviðinu á Menningarnótt
Menningarnótt í Reykjavík fer fram laugardaginn 24. ágúst. Að þessu sinni færir hið sívinsæla Spunamaraþon Improv Ísland sig úr kjallaranum og yfir á Stóra svið Þjóðleikhússins. Við erum mjög spennt fyrir þessarri breytingu og hlökkum til að sjá ykkur sem flest!